XILAMALO
İBRAHİM TATLISES
İlhami Sertkaya
Kam ke saya Kurdan de bi 'mordem', qederê ma ra beno dem be
dem. İ serrê ke kesi êy nas nêkerdêne, kuçanê şukan de pize vêşan,
por qılêr gêrêne, endi pêy de mend bi. Kılamê kurdan gırot çarna tırki u xo
est sahne. İ sahnan de, ebe vengê xo en zaf bi kaykerdoxê inkarciyan.
İnkarciyan heni pê kar kerdêne ke,
ruhê êy, ebe rengarengê perdan u maxazinan rehet herêna. Verde sıfrê
'beg u begleran de' kılaman va. Pere kewt dest, çımê xo endi zê bıza xêxe
çar hawir çarnêne. Xo cêr u cor de xemılna, cênikê ehmaqi seba peranê êy
dorme de gêrêne. Êy zen kerdêne ke, i cêni, rast cı ra hes kerdêne. Fam
kerd ke dınya zê êy niya, na dolıme kam ke xurt bi, kewt bınê çengan.
Kulturê edebi de marum bi.
Şexsiyetê xo lete lete bi. Ard berd mawa xo kerd Tırk, Piyê xı gege kerd
kurd, gege bi ereb, bi kurd, bi kardan, bi gewende, bi 'ibo', bi 'ibrahim'
hama nêbi mordem.
Ne siyaset de fam kerd, ne kulturê mordemtiye de... Ne wendene fam kerd, ne
nusnayene. . Ne berbayene, ne ki huyene fam nêkered.
Destanê zurekeran u nijadperestê
tırkan de bi zê goge. Her kesi ebe na goge kay kerdêne. Tayê çekuyanê
maxazinan ezber kerd bi, her tım ke lazım bi, ebe quretıya nezaniye vatêne.
Veng u aqılê xo rot, bi wayirê televizyoni. İ serrenê verênan de, her çıqas
aqıl de feqir u nezan bi, ancina kurdan seba xatırê tayê kılamanê kurdi, êy
şeveknêne.
Ju qesa esta niya vana; Mın to weyi
kerd, şevekna ke tı çımanê mın vecê?'
Rast ke heniyo.
Xo ra kesi İbrahimi, çiyê de bin zen nêkerd, bê
hunermediya vengi. Hama no zulam rew rew u gege bê edebiye kerdêne.
Mesajanê cahiltiye dêne rojnaman. Xo ra seba nijadperestanê tırkan, maxazin
u fekê maxazini zaf muhum bi. Çı ke a ca de, çirok u
şanıki xızmeta inan de bi. Endi kamiye u mordemiye kerd bi bınê lınganê xo.
roja ke ebe Mehmed agar'i vırare ard ra jumıni, na dolıme, ruhê xo wo
'bê ruh, aqıl3e xo wo 'bê aqıl' rınd kıfş kerd.
Na dolıma xaf de bi 'Ataturkci'. Piyê xo na ra kerd 'Tırk'. Mawa xo
'Kurditiye de mend'. Dolımê de bine gorê demi, maye u piyê xo hawalê
kameci mılleti keno, heq bızano.
Eke icab kerd, o maye u piyê xo pê kar ano. İcab kerd, 'Asena' u
Amerqayi keno tê miyan. Ni rojanê pêyênan de, tam xo qedêna. Tayê pakiye ke
zere de mend bi, ser hev kerd bınê lınganê xo. Seba qonseri şi bi kurdıstan
o başur. Qaşo şi bi ke qonser bıdo. Êy ebe naye nêvınet. Ebe aqlê
nijadperetiya tırkan, a ca de bayraxa Tırkan ra gêrêne. Tı vana memurê
bayraxa tırkan bi. İbrahim o gog, xo a ca de rezil kerd.
'Ez Tırk lacê tırki ya'.
Heya...
Dınya be dora İbrahim o 'baqıl'.
Rojê ki tı vana 'ez kurd lacê kurdiya'
Tı lacê çı u kami bena bıbe, tı mordem niya. . . . endi kurdê
welatheskerdoxi ru nêdanê to. Qaseta to nêherênenê. Tı vijdanê ma de ser
hev kewta bınê tometê de gırane.
Xılamalo İbrahim tatlıses...
İlhami Sertkaya
22-11-2005
|