VÊYVÊ CIN U PERİYAN/Cin ve Periler Düğünü

İlhami Sertkaya

Cayê de ke saf sıxletiye bi, kesi ke cı ra çiyê fam nêkerd, veng u haybıro ke kewt têmiyan, a ca ra vanê; VÊYVÊ CIN U PERİYAN.

Rast a…

Çı ke kam wazeno çı bıkero, kıfş niyo. Kes nêşkino i vengan de çiyê ebe fam kerdene bıheşêno. A ca de, kam çı keno, se keno zelal niyo. A ca de çend kesi estê, qey amê tê lewe, qey qirenê, qey zibenê, nalenê, kıfş nêbeno.

Paris de, ju seminerde, merıkê destur wast u qesi kerd. Çı qesi kerd zê mı zaf kesi tewr çiyê fam nêkerd bi. Merikê de bin endi sebrê xo nêmend bi ke, bê destur qesa bırna u niy ava;

-Heval o delal, tı çı qesi kena mı tawa fam nêkerd. Dıma êy de merikê de bin niya dewam kerd;

-O x ora seba fam kerdena ma nê, seba fam nêkerdena ma qesi keno. Her kes huya bi...

Tayê kesi estê seba famnêkerdene qesi kenê, tayê kesi estê xo ra ‘qesi Kenê’. Mordem ke wazeno bêro fam kerdene, wazeno ke goş bıdê qesa ser.

Mordemo ke wazeno fam bıkero, hewca wo ke goşdarê de rınd bıbo.

Ez be xo zê delaliye, zelaliye re ki hes kena. Bê şık, ez be xo a ye ra ke, keso ke nêwazeno mın fam bıkero, ez ki nêwazena êy ra, inan ra qesi bıkeri. Çı ke ne qesi kerdene rehet a, ne waxt zê awe zaf a.

Ez veyvan ra ki zê  her kesi hes kena. Çı ke a ca de, kılamê weşi yênê vatene, ez goş dana ser. Beno ke kuna veyve kay kena. Beno ke ez ju kılame kivana.

Vêyvi ki zaf veşê, çı ke name sera wo; VÊYVE Hama ez ‘VÊYVÊ CIN U PERİYAN’ ra hes nêkena, çı ke a ca de kes çiyê fam nêkano.

İlhami sertkaya
25-08-2005