TAYÊ BIHUME (1)

Derleme: İlhami Sertkaya

TESLİM MESLİM ÇIKO?

Mabênê dı dewe de dışmentiye esta. Rocê nê rocê, Dewıjê ni dı dewan,  ju
neqebede kunê têmiyan, ebe dar u kemer danê jumıni ra. Heni danê jumini
ra ke,  sare u kıncê inan goni de mendê. Mabênê dewıjan de ju merık o kılm, endi bêzar biyo,  her cayê xo de goni rışina. Destanê xo berz keno vano; 'Teslim'. Na qesa faydê nêkeno, mêrık reyna çuyan weno. O reyna vano;

-Mı to ra va teslim,  tı qey dana mı ra?Merık o ke dano pıro,  manê 'Teslimi' nêzaneno. Pilê dewa xo ra pers
keno;
-Hesen axa,  no merık vano teslim,  ez se bıkeri?

Hesen axa vano;
-Teslim meslim çıko,  tı xo rê qaytê pırodayena xo bıke. . .

TO MI FAM NÊKERD

Ju her u ju  manga merıki esto.  Her, gewendo,  bar nêanceno, mexelino. Merık endi destê ni heri de mendo. Duwa keno vano:
-Ya rebê aleme, to ni heri se ke do mı,  heni ki bıge Rocê kewerê axure keno ra ke,  her nê,  manga mırad biya. Merık destanê xo derg  keno, ruyê xo verba azmên çarneno vano;

-Ya rebê aleme mı tora va heri bıge manga nê. . . aax asmê de,  sere de mı
çiyê to de wast o ki to mı fam nêkerd

WILE EZ Nİ HÊYBANİ NAS NÊKENA

Malım mekteb de domanan ra namê tayê hêybanan u insanan pers keno:

-Luye, heş, werg, her,  astor pers keno domanan ra. Kam ke zanıt cuwab
dano. Malım na dolıme Gorbaçovi perd keno.

-Ma Gorbaçov kam o?  Tı vace
-Ez?
-Heya

Lacek tayê fıkırino... dıme ra vano;

-Wıle malım  ez ni hêybani nas nêkena...

MA WELAT XİYAR O?

Şuka Amedi de,  eskeriya ju dewıj gıroto kerd o hepıs. Dewıj nêzaneno ke
qey kerdê hepıs. Kami ra pers keno,  kes nêzaneno sebeb. Waxtê makemi
yêno, merıki vecenê duşta dozgeri.

Merık;
-Ez nêzanan şıma qey mı gırotê kerdê hepıs,  sebep çık o?

Dozger;
-Tı 'leteciya' coka. . .
-Leteci...?
-Heya.. Yanê tı welat lete kenê.
-Ma welat xiyar o ez lete bıkeri..?

ÇI HÊFO KE EZ ALMANYA DE RA

Merık dêndar o. Wayirê dênan,  her roc yênê dênê xo wazenê. Perê merıki
çino ke dênê xo bıdo. Xanıma xo ra rocê vano; Xanım no niya nêbeno, vınde ez xo kê de wadari, kam ke ame dênê xo wast, vace mêrdê mı şiyo Almanya. Xanıme bêçare qebul kena.

Wayirê dênan her roc dewam kenê ameyene. Cenike vana 'mêrdê mı şiyo
Almanya'. Heredinê, hêrs benê şone. Hama her roc heni nêbeno. Rocê rocan
de, reyna ju merık yêna dênê xo wazeno. Cenike reyna heni vana hama
wayirê dêni nêşono,  cenıke ra heqeret keno. Cenike qirena,  nata bota haybıro kena. Mêrdê cenike oda de ni vengi heşêneno xo be xo vano;

-Ax. . Çı hêfo ke ez nıka Almanya de ra... Ez ke Almanya de  nêbiyêne,  mı zanıtêne se kerdêne.

21.09.2005