KEMERA SEBRİ

ilhami Sertkaya

Sebrê kesi, qasê kemeran çin a. Çı ke ruhê kemere çin a.Gorê şanık u çirokan, mabênê kemeran de ju kemere est a ke, wayirê sebriyo.Cı ra vanê ‘kemera sebri’.waxto ke, kesê rastê zaf pers u probleman, derd u muşkulatan bi, ancina ki pay ra wo,wazeno verba ni derd u muşkulatan de, sebrê xo ebe kemera sebri bısenco.Bêveng, bêkıfş şono lewê kemera sebri.

Kemra sebri ra niya pers keno;

-De vace kemera sebri, tı ebe sebra ya ez? Sebrê to zaf o ya sebrê mı?

Eke veng meveciyo kemera sebri ra, yêno a mane ke, sebrê kemere zaf o u kemere zêde ebe sebıra gorê ê kesi.Eke şirqıniye bıgıno kemere ra u bıbo ‘hezar’lete, manê xo o wo ke, sebrê ê kesi kemere de wo.

Ez nêzana na kemera sebri koti de ra, wazena rêyê ni sebrê xo bısenci.Ma se beno? Dınya dêm nêdina ke....axır dewr ki nêbeno.Çar hawir dorme ma de ni handay zurekeriye, dı rutiye, inkariye, gewendetiye est ê.Wayirê Nina hina ‘qeder’e ma ra’ xo ebe medeniyet u edebiye danê naskerdene.saya ma de pize mırd, çım vêşan ê.Çımê xo hina talankerdena ma de rê.

Tı vana  ma welatê inan gırot o’. Tı vana ma kamiye u rastiya inan inkar kerd o.Tı vana ma zonê inan qedexe kerd o, heskerdena inan ma tayin kenime.Tı vana ma namê şukan, dewan, çeman, koyan, neqeban u hêganê inan vurno.

Hem ninan bıke, hem ma bıke bınê tomete...

Ahmed aslan vano çı ju ebe ê vengê xo ye delali?

KOTİYA WAYİR O....?

Ma tı kotiya kemera sebri?

Ez wazena sebrê xo ebe sebrê to rêyê bısenci

Rast tı zaf ebe sebra ma ma?

Rast tı zaf ebe sebra ya ez?

O waxt şirqıniye gınena to ra, tı bena hezar lete’ ya ez?

De vace kenera sebri, tı ebe sebra ya ez?

De vace......

Vace.....

İlhami sertkaya

19-08-2005