ÇAR MİX

Waxto ke kam qalé çarmixî kerd, Îsa yéno vîrî.Îsa u çarmix, méjoyé şarî de seke zeleqîyo juminî.Ez nêzana dima çarmixî de îsa şîyo azmén yan nê.Îsa tenya zu kes bî u zu raa ancîya çarmix u jariyede xelesîya ra. Şaré ma neşî azmén u seré hardé dewréşîde biné çarmixan de ro.Şima ke mira pers bikeré çar mixé ma niyê:



1-Mixa veréne ereban da mara

2-Mixa didîne parçe u lete bîyene da mara

3-Mixa hîrine persan u tirkan da mara

4-Mixa çarîne mixenet u xayîntîya zeré ma da mara

Dewro ke welat u şarê ma zerdust bî,rind xirab raya xode sîyêne.Tariqa xo, kultur, edebiyat u kamîya xo ramitêne.Ma wayîrê medenîyetê de dewlemendbî me.Gorê î dewrî mêjoyê netewayîye ebe zanaye u kulturê netewayîye verba raverîye sîyêne.

Ereban serba bandora xalîfetîya xo, serba menfaat u çimvesanîya xo,serba “ Rebê Aleme”!raya tariqa ma birna, welatê ma talan kerd.Î de zêde jî, mêjoyê netewayîya ma, reng u kamîya ma,ebe zilm u xederîye vila kerd.Ereban ma kerd lete be lete.Tariqa ma çerexîya, kamîya ma bî ser u bin.A roje ra nata ma tayîne bîme elewî, sunî, şafî, henifî, de çi zanena bîme her çi…. Zerdust ma de heredîya, hêrs bî….dewe be dewe dismentîye kewt mabênê ma.Na derbê de giranewa serê mêjoyê welat u sarê made.Çi ke, ebe na derbe ma rastiya xo de visîyayîme.Bîme dismenê xo u raya xo şaş kerd.Selhedînê Eyubî endî serba welatê xo nê, serba ereban herb kerd.Selhedîn u mordemê zê dey serba ma çi qîmetê xo esto?A roje ra tepya ma zafîne endî serba sarî xewetîyayme.Çi ke, mêjoyê cîvata ma, mêjoyê qomê ma xerepîyabî.Ma cendekê de nêwes bîme.

Ayera ke, kam ame, ma ebe asan kerd binê bandora xo.Persan,Tirkan coka ke înan ma zaf rehet kerd binê bandora xo.Çı ke dusta înan de endî ne jubîyane mendbî, ne jî adirê xoverdayena girse....

Çîyo ke şima mefikiré, o çî zeré şimade çîno.Ez endî xelî wexto ke nî çar mixan fikirîna.Ma binê nî çar mixande ameyme na roje.Zanetîye xeznawa.Mordem şikîno nî mixan verde zerê xo de vecone, xo bivurno u bireso rastîya xo.Kes ke serba rastîya xo, xo mevurno, kesê bînî jî neskîno bivurno.

Endî her kes şikîno xora pers bikero.Ez kî endî beşe kena şimara pers bikerîne: Şima mixané xo zeré xode vet?

Rast halé şima senéno..???



İlhami sertkaya