ADIR U VENG/Ateş ve ses

İlhami Sertkaya
 hesrete@hotmail.com

   Adır esto vêşneno, adır esto germ keno. Adır ancina dısmen niyo dost o. Kam ke adır se pê kar ard, adır gorê ê kari biyena xo keno. Her çi, ha rındiye, ha xırabiye ‘aqıl’ de vecino. Aqıl gorê wayirê xo, ya vırazeno ya xırab keno. Coka ke no vate; (kam çı bıram o, êy çineno) ama vatene. Şıma ke neheqiye bıkerê, destê heqiye her tım sênê şıma de ro.
Yaxme çino ke neheqi rehet bıvênê. Lêwê neheqan de, hata pêniye i kerdeni nêmanenê.
   Saddaman ra nêmaneno. Keso ke ‘Saddaman’ê xo bışevekneno, verba sadamanê welatanê binan de ro, na dı rutiye ki inan ra nêmanena.
Name ha sosyalist, ha liberal, ha humanist çı beno bıbo Saddamê her welat u mılleti ‘saddam’ê. Adır destê diktatoran de, seba wêşnayene esto.
 Veng. . . Veng esto verba neheqiye de vecino, heni zelal u pak, veng esto, neheqan şevekneno.
Her kes nêwazeno her vengi bıheşêno. Zurekeri nêwazenê vengê heqiye u rastiye bı heşênê. Dewleta Tırki, serê inkarê ma de,  ebe perda ‘demoqrasiye u bıratiye’ veng dano. Vano ‘inkarê xo melewnê, qalê zon u kamiya xo mekerê’. Yanê ma na kerdene ra vacıme ‘sar u çımanê ma ser’!
Yanê ma na merdena xo qebul bıkıme wazenê.
    Mordemiye, hata nıka ‘demoqrasiya’ inkariye u zon-kamiye qedexe kerdene ne di, ne heşêna. Namê na kerdene ne mordemtiya, ne ki ‘bırati’ya. . .
Ma vanime çı? Vengê ma de çı vecino? Bê şık, ma vanime no ke dewleta tırki kerdo u keno, dı rutiya, zurekeriya, ‘domanan qam kerdenewa’.
Ni inkaran şıma ramıt, na qıra-qıra ‘ bıratiye’! çıka?
Tı hem adır bıke welatê mı bıvêşne, waxto ke adır bi hira gına canê to ra, qalê ‘huquqi’ bıke. . .
 Huquq tenya şımara lazım niyo gelê ‘baqıli’. . !
Şıma wazenê vengê ma bıheşênê?
Endi a ye şıma zanenê.
    Ma vanime ebe adır mevêşnê, xo germ bıkerê. Ebe zurekeriye veng mevecê, goş bıdê serê vengê rasiye. .
Çı ke aqılê mordemtiye, rubalê na qıleriye de zaf ant, endi nêanceno.
 
İlhami Sertkaya
9-9-2005