EZ KARÊR DE NİYA, KARÊR ZERÊ MI DE RO

          (Ben Değil Karer Benim İçimde)

İlhami Sertkaya
Yazar İletişim: hesrete@hotmail.com

     Na heskerdene xoriya. Eşqanê çımsuran de hesretan lêna. Aspar o ke astora xo vindi kerda. Rêbiyo ke rayan kerdo tê miyan. Doman o ke maya xo ra gêren o. Çımê ke hestıranê xo qedênê. Nêberben o...
Serran xo vira kerd o, asman kerd o bınê çenganê xo. Kes o ke, domantiya xo nême de mendo, wazena doman bo. Letê emrê xo cayê de duri de mendo. Wazeno bıreso a ca, rayi amê gırotene, neşkin o.
Şıma ke, Çewlıg de verba germawe bıkuyê  raye, Germawe ra dot, davacorê Belezer'e de endi baya Karêri yêna. Wist u hirê seriyo ke ez a baye de duriya. İ çiçegan de, i koyan de, waran de, awan de, neqeban de, duriya.
Çend kesi zê ma xeribiye di?
    Kami qasê ma rastiya xo de duri kewt, vısiya? İzmir de bıge hata ameriqa, aca de bıge hata afriqa bime vıla.Wayirê nê 'huneri'! dewleta Tırki'ya.
Nıka ma Karêr de nime, Karêr zerê ma de ro. Nıka ez Karêr de niya, karêr zerê mı de ro.
Na hesreta xêxa pılêsiya sênê ma. 'Medeniyet'! o ke ma ra siya viyalanê Karêri zêde di. Aqıl o ke rastiya ma ra tehamul nêkerd. 'Baqıl'! o ke serê inkarê ma de, dersa 'demoqrasi'! ye dano. Tayê kesi sosyalistiye keno u vanê 'Emperyalizm şıma qapneno ma peymanê Lozan'i bışeveknime'.
T    ayine dewanê ma xırabe kenê, vanê' seba sılametiya şıma'. Tayine ma kışenê vanê' ma bırayê jumıni me' Ma de ki tayê kesi estê, hina bınê tesirê deq u dolabanê ni goniweran de, dersa 'entelektueliye'! danê ma. Ez a ye ra 'mırena'.
Hata ke ma seba rastiya xo, seba kamiye u zonê xo, seba xo, xo ra hes nêkerd, hata ke, ma sarê xo, fıkrê xo ebe namê 'enternasyonalizm'i vırniya xo nêdi,ma beşe nêkenime xo ra hes bıkıme.
    Heskerdena çewte ki esta. Ma ra heskerdena rasiye lazıma Ma ra 'ma lazımi me'. waxto ke ma naye beşe kerd, o waxt 'Karêr zerê ma de nê, ma Karêr deyime. Co ka ke nika ma Karêr de nime, Karêr zerê ma de ro.

A ye ra ke hina EZ KARÊR DE NİYA KARÊR ZERÊ MI DE RO.

İlhami Sertkaya